ابي مشورتكم :(

[فـيـصـل]

السلام عليكم ورحمة الله وبركاته

يا اخوان انا درست بالجامعة سنه خلصت التحضيري واتجهت للعسكرية رغم انها ليست طموح بكل تأكيد !

على العموم قدمت على الكليات العسكرية لكن يبيلها واسطات

انقبلت بقوات الامن الخاصه صحيح انها تجنيد افراد لكن الحمدلله على كل حال
على العموم خلصت جميع إجرائاتي بقوات الامن الخاصه باقي فقط إرسال بعض الاوراق ويصير القبول نهائي
بس متردد ومحتار حيره ما يعلم بها الا الله

هذا القطاع وش رأيكم فيه .. وهل فيه عمل مكتبي ؟؟
إذا الجواب نعم البدله مموه أو وش لونها
ومن ناحية الرواتب والترقيات كيف ؟

وجزاكم الله بالجنة .

[أبو ع ـنآد]

رد: ابي مشورتكم

و عليكم السلام و رحمة الله

الجامعة افضل لك أولاً ، فيه فرصة ضباط جامعيين

عموماً قطاع قوات الامن الخاصة حط في بالك التوظيف بس الرياض و الشرقية و منطقة مكة
اما غيره غالباً لا

الرواتب محفز مقابل الخطورة لكن مالي علم بها
و على علمي دورتها ال ٤٥ يوم اقل من القطاعات الثانية حدود ٣٥ يوم او اقل بعد

و حيرتك مالها الا صلاة الاستخارة
افضل لك الجامعة بصراحة

عموماً اي قطاع به ميداني و مكتبي
المكتبي يبي له دورة حاسب ٦ شهور

الباقي يفيدونك به الاخوان

موفق خير

[جبل النار]

رد: ابي مشورتكم

كمل جامعه و اترك عنك وساوس الشيطان تبي عسكرية خذها بعد الجامعه كضابط

[صالح ابو محمد]

رد: ابي مشورتكم

ياخوك انت بالجامعه كمل
ومالك ومال العسكريه
اذا كان ظروف دور على عمل مدني

لا تدخل العسكريه الا ظابط فقط غير كذا لو دبلوا راتبها 10 مرات ابعد
نصيحه من اخ لك

[ضيف]

رد: ابي مشورتكم

و عليكم السلام و رحمة الله

الجامعة افضل لك أولاً ، فيه فرصة ضباط جامعيين

عموماً قطاع قوات الامن الخاصة حط في بالك التوظيف بس الرياض و الشرقية و منطقة مكة
اما غيره غالباً لا

الرواتب محفز مقابل الخطورة لكن مالي علم بها
و على علمي دورتها ال ٤٥ يوم اقل من القطاعات الثانية حدود ٣٥ يوم او اقل بعد

و حيرتك مالها الا صلاة الاستخارة
افضل لك الجامعة بصراحة

عموماً اي قطاع به ميداني و مكتبي
المكتبي يبي له دورة حاسب ٦ شهور

الباقي يفيدونك به الاخوان

موفق خير

انت تبي عمل مكتبي وسهل
وتروح تدخل جندي بقوات الامن الخاصة ! ما عندك تقدير للموضوع يعني ؟
داخل اخطر قطاع واصعب قطاع بالتدريب ومهدد بالاغتيال ومهدد بالقتل المباشر في مواجهات
لا تدخل هالقطاع الا اذا انت نشيط وتحب العسكرية وعندك دافع تستشهد ومؤمن بالدولة ولا راح تبلش

[فـيـصـل]

رد: ابي مشورتكم

طيب يا اخوان ودي بالحرس الملكي لكن حالة الطلب لها سنه معلقه " تحت الإجراء " !

[عبدالرحمن 1985]

رد: ابي مشورتكم

أولاً نسأل الله أن يوفقنا وأياك يا أخ فيصل لما يحبه ويرضاه أما بخصوص ماتفضلت به
أرى أن تكمل دراستك الجامعية وأن رغبت في العسكرية بعد الجامعة ستكون وظيفتك أما ملازم
أو رقيب إن كان تخصصك علمي فأنصحك نصيحة لله أن تكمل دراستك الجامعية وحاول أن تدخل في تخصص علمي فيزياء_ كيمياء_ جيولوجيا_ أحياء_ رياضيات_ حاسب آلي _ هذه هي التخصصات المطلوبة في سوق العمل المدني والعسكري

[العملاق]

رد: ابي مشورتكم

خذ العلم كمل الجامعة افضل وبعدها تقدر تتشرط وكل جهة تبيك سواء عسكرية او مدنية ان كنت متفوق..واقلك هذا الكلام عن علم ودراية وتجربة وخبرة سابقه..... الله يوفقك

[أبو ع ـنآد]

رد: ابي مشورتكم

الجامعة أن راحت عليك الحين صعب جداً تعوضها ، لكن العسكرية لاحق عليها ، و مثل ما قالوا الإخوان الجامعي أن ماكان ضابط اقلها رقيب، و يمكن وقت دراستك يطلبونك الحرس الملكي، دربك سهالات

[MazaJ]

رد: ابي مشورتكم

اسأل مجرب ولاتسأل طبيب أنا جربت العسكرية وأقسم بالله إني أسعى وأدور وظيفة مدنية الان وإذا لقيتها ماراح أتردد بالفصل أبدا
كرف وقلة حيا وقومة من الفجر ولبس بدلة وتمارين وصفة وقلق هذا غير الهموم والتفكير والنفسية اللي بيجيبونها لك بالذات بقوات الأمن الخاصة الـ 8000 الآف اللي تآخذها منهم يطلعونها من قلبك والجنود هم أقل الرتب وكل من جاء يتأمر عليهم المساكين ولالهم قيمة ولااحترام

وكله كوم والأطفال اللي يجونك توهم معلقين النجمة كوم ثاني لا وينافخون عليك بعد واللي يقهرك أكثر إن هذا الطفل مامعه إلا ثانوي ونسبته ضعيفة وماهو كفو يدخل حتى جندي لكن أبوه واصل وله معارف وإلا يرمي وجهه على مسؤولين كبار ويزبط رقم لولده الأهبل بالكلية والناس الكفو اللي عندهم شهادات وعقول يدخلون أفراد للأسف

كمل دراستك وبنفس الوقت اشتغل بأي شركة ومشي أمورك لفترة مؤقتة وبعد الجامعة يزينها الله بلاقوات أمن خاصة بلاكلام فاضي

[MazaJ]

رد: ابي مشورتكم

الجامعة أن راحت عليك الحين صعب جداً تعوضها ، لكن العسكرية لاحق عليها ، و مثل ما قالوا الإخوان الجامعي أن ماكان ضابط اقلها رقيب، و يمكن وقت دراستك يطلبونك الحرس الملكي، دربك سهالات

إذا جاب الجامعة يقدر يلتحق ببرنامج الملك عبدالله للإبتعاث ويهج من البلد

أو يقدر يقدم على الشركات الكبيرة مثل أرامكو سابك صدارة وإلا بالخطوط السعودية
وإلا بوزارة الصحة على نظام التشغيل الذاتي يدخل براتب مطنوخ ويداوم مدني وعلى مكتب

يارجل قمة الراحة ونظرة المجتمع له تكون جيدة حتى يوم يجي يتزوج يلقاله عروس مزيونة ويقدر يكون علاقات بأسلوبه ويعيش حياة كريمة لكن عسكري ماعنده إلا الخفارات وأي مصيبة تجي رموه فيها ولاأحد درى عنه

[MazaJ]

رد: ابي مشورتكم

طيب يا اخوان ودي بالحرس الملكي لكن حالة الطلب لها سنه معلقه " تحت الإجراء " !

كم طولك ؟

[فـيـصـل]

رد: ابي مشورتكم

إذا جاب الجامعة يقدر يلتحق ببرنامج الملك عبدالله للإبتعاث ويهج من البلد

أو يقدر يقدم على الشركات الكبيرة مثل أرامكو سابك صدارة وإلا بالخطوط السعودية
وإلا بوزارة الصحة على نظام التشغيل الذاتي يدخل براتب مطنوخ ويداوم مدني وعلى مكتب

يارجل قمة الراحة ونظرة المجتمع له تكون جيدة حتى يوم يجي يتزوج يلقاله عروس مزيونة ويقدر يكون علاقات بأسلوبه ويعيش حياة كريمة لكن عسكري ماعنده إلا الخفارات وأي مصيبة تجي رموه فيها ولاأحد درى عنه

يا بعدي انا كنت ادرس علوم طبية تخصص تمريض بس الظروف تحكم الواحد

[فـيـصـل]

رد: ابي مشورتكم

جزاكم الله خير .. ما قصرتوا يا اخوان

[فـيـصـل]

رد: ابي مشورتكم

كم طولك ؟

طولي 171