الثوره البلشفيه

[النابغة]

الثوره البلشڤيه معروفه كمان باسم ثوره اكتوبر و انقلاب اكتوبر, كانت المرحله التانيه من الثوره الروسيه اللى حصلت فى سنة 1917. الثوره البلشفيه قامت تحت قياده ڤلاديمير لينين و ليون تروتسكى مبنيه على افكار كارل ماركس عشان يعملوا دوله شيوعيه اللى بقت الاتحاد السوڤييتى, الثوره البلشفيه بتعتبر اول ثوره شيوعيه تنجح انها تحقق اهدفها و تبنى اول دوله شيوعيه فى التاريخ.

جزء من the Russian Revolution of 1917,Revolutions of 1917–23 and the Russian Civil War
Red Guards at Vulkan factory in 1917.
7–8 November 1917 Petrograd, Russia Bolshevik victory Creation of Soviet Russia End of Russian Provisional Government, Russian Republicand dual power Start of the Russian Civil War
Bolsheviks Left SRs Red Guards 2nd All-Russian Congress of Soviets Petrograd Soviet Russian Soviet Republic (from November 7)	Russian Republic (to November 7) Russian Provisional Government (to November 8)
Vladimir Lenin Leon Trotsky Pavel Dybenko	Alexander Kerensky
10,000 red sailors, 20,000-30,000 red guard soldiers	500-1,000 volunteer soldiers, 1,000 soldiers of women's battalion
Few wounded red guard soldiers	All deserted

بدايه الثوره

خطبه للينين قبل الوصول للحكم

بعد ما وقع نظام القياصره بعد الثوره الروسيه اللى شارك فيها جهات و تيارات اليساريه كلها من اول الليبراليين و الاشتراكيين بانواعهم لحد الشيوعيين, بعد ما الثوره نجحت عملوا حكومه مؤقته كان فيها عدد كبير من الاشتراكيين الديموقراطيين, كان فيهم عدد كبير راسماليين الكلام دا معجبش الشيوعيين اللى شافوا انهم زى نظام القيصر نيكولاى التانى, اللى محبوس, وانهم خانوا الاشتراكيه و انهم مطلعوش روسيا من الحرب العالميه الاولى زى ما كل الجهات كانت متفقه و كانوا شايفيين ان الحرب اصلا بسبب مطامع الراسماليين اللى بيموصوا دم الغلابه و العمال و بيبعتهوم يحاربوا و يموتوا, و بدئوا يعلموا تمردات فى الجيش و يقنعوا العساكر ان عساكر الجيش اللى ادمهم دول اخواتهم و مجبريين انهم يحاربوا زيهم, وان عمال العالم لازم يتحدوا و يوقفوا الحرب. ڤلاديمير لينين لما رجع من المنفى اللى فى سويسرا, بعد الثوره الروسيه ما قامت, قال "ان الثوره الحقيقيه لسه جايه, ووجهه انتقادات كتيره للحكومه المؤقته. بعد اربع اسابيع من رجوع لينين لروسيا, رجع ليون تروتسكى هو كمان من المنفى اللى فى امريكا, كان مختلف مع لينين جامد فى افكاره فى تطبيق الشيوعيه و الاشتراكيه بس الاتنيين قرروا انهم يتحلفوا مع بعض عشان يطيحوا بالحكومه المؤقته الاشتراكيه الديموقراطيه و يعملوا دولهشيوعيه على مبادىء كارل ماركس. بسبب التحالف دا عدد البلشفيين زاد جامد, و كمان عشان مطالب البلشافيين بتوقيف الحرب اللى قتلت و شردت ملايين روس و اتسببت فى نقص فى الاكل, وعشان كاريزمت لينين الجامده لعامه الشعب و ليون تروتسكى مع المثقفيين. الحكومه المؤقته عملت حمله كبيره عشان تسوأ سمعه لينين و اللى معاه و قالت انهم بيعملوا لصالح جهه أجنبيه وانه عميل لصالح ألمانيا اللى روسيا بتحاربها و قرروا انهم يقبضوا عليه و قبضوا على عدد من البلاشڤه.
الثوره

زعما البلاشڤه: تروتسكى و لينين, و كامينيڤ

زاد التوتر السياسى فى روسيا جامد بعد عوده زعما التيارات اليساريه من المنفى, و رفض اغلبيتهم للحكومه المؤقته, عشان تهدى الموضوع شويه عملت الحكومه المؤقته اجتماع لكل الاحزاب السياسيه المعارضه عشان يتجمعوا, كل الاحزاب الليبراليه و الاشتراكيه شاركت فى الاجتماع دا, معادا البلاشفه اللى شافوا كل الاحزاب اللى ردوا يجتمعوا مع الحكومه انهم باعوا نفسهم للحكومه وانهم مباقوش بيعبروا عن الشعب و دعوا لاضراب يوم الاجتماع. جنرال كولينوف, واحد من جنرالات الحكومه المؤقته زهق من التوتر دا و قرر انه حيحل المشكله بمعرفته و انه حيقضى بالسلاح على اللى عامليين المشاكل دى كلها و يلغوا مجالس السوفييت, زى المجالس المحليه, و حرك الجيش منغير ما ياخد رئى الحكومه, اللى اقلته من منصبه فرد عليهم كولينوف و حاول يعمل انقلاب ضدهم, الحكومه المؤقته ملاقتش حل عشان توقف الانقلاب دا غير انها تتحالف مع البلاشفه اللى اعددهم كبيره و عندهم اعضاء كتار فى الجيش وتسلحهم زياده و فعلا عرفوا يوقفوا جيش كولينوف و ينقذوا الحكومه المؤقته. الحكومه المؤقته بدئت شعبيتها تقل جامد و جهات اقصى اليمين عايزه حكومه قويه تسيطير على البلد و تشوف حل للتوتر السياسى دا و جهات اقصى اليسار عايزه حكومه توقف الحرب و محدش راضى على الحكومه المؤقته فى البلد من اساسه. فى اكتوبر 1917 قرر اجتماع الحزب البلشافى باغلابيه تنفيذ اقتراح لينين بتدخل عسكرى و قال "ان الناس واثقه فينا, ومستنيين مننا افعال مش مجرد كلام." و ابتدى تخطيط لقلب نظام الحكم. فى يوم 25 اكتوبر سيطر عساكر مواليين للبلاشفه على الشوارع و حاصروا البنوك و المناطق الاساسيه للبلد و بدئت الثوره و نزل البلشافيين فى الشوارع و وزعوا منشورات بتدعى الناس للثوره.و اعلن لينين قيام عهد جديد من التاريخ الروسى وانهم يوقفوا الحرب وانهم يوقفوا الراسماليه و انهم حيدوا العمال حقوقهم و بدايه عهد الثوره الاشتراكيه الشيوعيه فى العالم. فى عشر ايام انتشرت الثوره و افكرها فى كل روسيا و سيطرت على الحكم رسمى. الثوره البلشفيه اتسببت بحرب اهليه كبيره و اتعرفت بالحرب الاهليه الروسيه بين البلاشفه و حلفئهمم من جهه و ما بين التيارات التانيه منهم الملكيين (اللى بيطالبوا برجوع القيصر نيكولاى التانى) و انصار الحكومه المؤقته القديمه و الليبراليين و الاشتراكيين اللى مختلفيين مع لينين و رافضيين ان البلاشفه يحكموا و خصوصا بعد الانقلاب اللى عملوه دا. فى الحرب الاهليه دى اتعدم القيصر الروسى نيكولاى التانى و عيلته كلها على ايد البلاشفه و مات عدد كبير من الروس, و ظهور الجيش الاحمر, و بعد ما الحرب الاهليه خلصت الاتحاد السوڤييتى. الثوره البلشفيه غيرت التاريخ و عملت اسم كبير للشيوعيه و اتئسس بافكرها الاتحاد السوڤييتى.
اهداف الثوره

• القضاء على الاقطاع
• المساوه بين فئات الشعب كلها من كل النواحى الاقتصاديه و الاجتماعيه و السياسيه
• القضاء على الراسماليه
• تحقيق الاشتراكيه و العمل الاشتراكى الموحد
• عمل دوله شيوعيه اشتراكيه عالميه.

نتايج الثوره

• تأميم البنوك و المصانع و الممتلكات الخاصه و ممتلكات الكنيسه الروسيه
• تعليه اجور العمال و علاوات و تحديد ساعات العمل بتمن ساعات بس فى اليوم
• خروج روسيا من الحرب العالميه الاولى
• دخول روسيا فى حرب اهليه
• تائسيس الجيش الاحمر
• الاتحاد السوڤييتى