رد: الجوازات بالزي الوطني بدلا من العسكري

كيف مالك ومال الروس ايش الكلام هذا نحن دول وثقافات مثلنا مثل غيرنا وهالثقافات المتنوعة تلبس لبس واحد مثلها مثل بعضها ايش معنى نحن لا !! , + انا ما قلت الاجهزة فاشلة انا اقول الاجهزة غير مستعدة وليست بالكفاءة العالية ونستطيع تطويرها والاستفادة منها ب 100 ضعف ماهي عليه الان !! , اولا ثقافة العسكرية يعني خلال الدورة لابد يثقف ويعلم حتى لا يكون منحرف ولا يكون فكره فكر اطفال + اللباس جدا مهم لباس مدني = بدلة مدنية مو يعني ثوب وشماغ !! , خارج العمل بكيفه يلبس الي يلبسه !! + بعدين وش دخل افلام امريكية ومدري ايش والكلام الفاضي اولا ابغاك تشوف دورات التدريب في امريكا ومدى قواتها وقارنها بالي عندنا غير كذا عميل مكافحة المخدرات او ال fbi في امريكا مدرب على كل شيء سواءا تكتيكات الاقتحام او كفاءاته ودقته وسرعته وردة فعله بالرماية او حتى تركيزة وتنشيط تركيزة + كل فترة يستعدون ويدربون في مقر عملهم + يختارون دائما الطويلين نسبيا ويسوون لهم اختبارات عديدة !! , + عدم التدقيق ومتابعة العناصر عندنا نحن يعني اهمال لهم ما تدري بكرى الا عنصر المخدرات يكون مخبر للعصابات !! , والمفروض تتم مراقبتهم لمدة سنتين على الاقل مراقبة مكالمتهم وتحركاتهم وكل شيء !! , + يا كثر العساكر والشرطة الدرباوية !! ويكفيك الي بالقصيم العساكر الي طلعوا متعرين متفصخين وعيباه !! + الي قبل مدة دورة الامن العام الي العساكر فيها فصخوا واغلبية العساكر غير منضبطين + تشوف الواحد فيهم تقول انه يتعاطى مخدرات !! + ياخي من قالك اني ابي حديد !! انا قلت سابقا واعيد الي اقوله التمرين للمكافحة المخدرات وغيرها من الاجهزة تمرين عقلة وضغط وتمارين لياقة طويلة تكرار طويل زيادة عدد كل فترة تدريجيا + شوف دورات الدرك في الجزائر ودورات العسكر مثلا !! , عندنا اذا سوى تمرين ضغط يسوي 10 بالكثير ثم خلاص يجلس اسبوع !! لا المفروض ياخذ مجموعات تمرين 5 مجموعات مثلا يبدأ 5 ثم كل اسبوع يضيف 5 !! حتى تتضخم قليلا عضلته وتقوى + تمارين اللياقة من خلال قفز الحواجز المرتفعة ومن خلال طريقة صعود الجدار الخ !!, + ياخي العزيز الي في المطارات بكل مكان بالعالم يلبسون بدلات رسمية حقين الاستقبال ! ومو لازم كرفته يعني عادي خليه بدون كرفته قميص + جاكيت + مكافحة المخدرات تكتيكات الاقتحام عندهم سيئة جدا جدا وليست مرتبة !! وبعدين انا اعرف كثير من اقاربي في المكافحة والحرس الوطني الخ !! وش المشكلة بالبدلة ؟؟ , تعرف انت القميص ( البدلة ) ؟ وش مشكلته قميص + بنطلون خفيف عادي جدا !! , اما عن قولك بدلات رياضية فلا يليق بجهاز امني يلبسون بدلات رياضية !! , + مكافحة المخدرات اغلبهم يجيك لابس ثوب + بدال ما يلبس الكنادر الي معطيته اياها ولا البوت يلبس نعال وانت بكرامة اما قولك عن القناع فاقولك مو كلهم يلبسون قناع فقط الي يطلعون بالتصوير !! + شوف فلم الحرب على المخدرات راح تلاقي في اول الفلم لابسين ثوب وشماغ وعقال وجالسين يداهمون !! + حتى شوف تبع الثامنة لابسين ثياب وشوف كيف اقتحموا البيت او الغرفة بطريقة غبية ومتخلفة وبدون تكتيكات !! , بعدين نحن ما عندنا رشاوي لاننا بلد غني لو نحن فقراء كان شفت الرشاوي تلعب والرشاوي شوفها عند الوزراء والمسؤلين الكبيرين + عند حرس الحدود ! ,
+ ياخي شوف المخدرات كيف منتشرة وبقوة تلقاها في كل مكان !! + وين الاحكام القاسية على المروجين ليش المروج يجيك مروق ومو جايب خبر ؟؟ , المفروض اول ما يمسكون المروج ويعترف انه مروج وله البضاعة مباشرة يدخلونه غرفة التعذيب ويعذبونه بجميع انواع الاساليب + يذيعون بشكل رسمي اي شخص يروج راح يعذب ثم يقطع راسه + بعد التعذيب مباشرة يأخذونه للسوق الداخلي اما الاجانب والمواطنين ويقطون راسه طبعا بعد ما يخلصون منه باستدراج الشبكة الاكبر , اما بطئ الاحكام ومعاملته داخل التوقيف بكل لطف هذا ما يمشي !! , تخيل مدير مدرسة ما عنده الا العقوبات القاسية جدا جدا اتحداك احد يخالفه بس تخيل مدير مدرسة لا يعاقب كثيرا وعقوباته بسيطة راح يكون قمة الفلتان !! , + الحين الي يسمعك يقول اننا مصريين فارقة معنا كم مليون ريال !! + خل كل شخص يفصل من فلوسه بدلة , بعدين الجزاء وربي انه مجرد اذلال مو تدريب حقيقي ! هذا يسونه كل فترة + معظمه وقوف وبالكثير شوية تمرين ضغط وتمرين ضغط غير مرتب ! + اتحداك اذا فيه تمرين عقلة عند الامن العام او مكافحة المخدرات !! + تعال شوف مكان الرماية وتعال شوف طريقة تعليهم الرماية ورب البيت انهم ما يعرفون كيف يمسكون السلاح ويبيله على الاقل 15 ثانية علبال يصوب على الهدف !! , التمرين على الرماية اهمه انه يكون الجسم قوي بحيث السلاح ما يهتز ويكون ثابت بقدر الامكان + تدريب على التصويب والرماية السريعة وهذه مهمة جدا جدا + تدريب على طريقة مسك السلاح بافضل طريقة !! , ,

رد: الجوازات بالزي الوطني بدلا من العسكري

تقليد الاعمى يضر فرقت لو عسكري الجوازات لبس بدلة ولا لبس جلابية ؟؟؟؟ شغلته في الاخير يحط رقم الجواز ويختم وباقي الموظفين ببدلهم الرسمية ليس كل موظفي جوازات المطار بالثياب
بعدين ياخي تراك زودتها حرام عليك فعلا انت متاثر بالافلام بشكل كبير بعدين الثوب اذا ماكان لبس مدني اجل يعتبر ايش ؟؟؟؟ من شدة جهلك تقارنلي مكافحة المخدرات بالاف بي اي ؟!؟!؟!؟!؟ مكافحة المخدرات تكافئها الDEA وعشان تفهم كل دائرة فدرالية امنية في امريكا سواء FBI DEA ATF ICE CBP الخ فيها شعب فالعميل الفدرالي العادي نعم يدرب على الاقتحام وتطهير الغرف ويدرب على الرماية هذا في الدورة لكن في وقت الدوام حيكون شغله معظمه في المكتب واذا نزل الميدان فقط حينزل عشان يسوي مقابلات سواء مع الشهود او من لهم ارتباط بالقضية اما الاقتحامات هذا شغل الفرق التكتيكية التابعة للقطاع
صور للتوضيح
[IMG][/IMG]
[IMG][/IMG]
[IMG][/IMG]
[IMG][/IMG]
وازيدك من الشعر بيت اذا الوكالة ليست لديها وحدات تكتيكية تستعين بفرق الSWAT التابعة للشرطة
وانا صراحة لا اعلم لماذا مكافحة المخدرات ليست لديهم وحدة تدخل خاص او يستعينون بالطوارئ عالاقل ماعلينا بعدين ياخي افهم الوضع في دول الغرب غير بالله كيف تبى مكافحة المخدرات تداهم بيت في الكارنتينا ولا في المصفاة ولا في المحجر ولا في حراج الصواريخ وهم لابسين بنطلون ب٤٠٠ ريال وبلوزة ب٣٣٩ ريال ؟!؟!!؟!؟ بيبان على طول انهم رجال امن اذا ساكن ذيك الاحياء اغلى شي يلبسونه بلوزة الاهلي ب٢٠ ريال

بعدين خف علية كانه الشرط والاجهزة الامنية في الغرب مافيها ناس فاسدين بيبعون المخدرات اللي قفطوها ومنهم اللي يتعاطاها ومنهم اللي يتعاون مع العصابات عشانهم اهله ولا اخويانه ولا اهل حارته ماتجيهم مداهمة العينات ذي موجودة في كل بلد.
بالنسبة للتمارين صدقني واحلفلك بالله انه في كل التمارين السويدية في الدورات الاساسية موجودة اذا انتهت الدورة خلاص انت وضميرك تبى تتمرن اتمرن ماتبى بكيفك بعدين ترى مهو شغل العسكرية انك تغير في صفات الناس هذا شغل اهلهم بعدين اذا سوينا اختبار شخصيات وطلعلنا فوق ٧٠٪ من المتقدمين درباوية يعني نشوتهم كلهم ؟!؟!؟!؟!؟! الامن العام بالذات يحتاج اعدادضخمة جدا اما بالنسبة للطلبة ذوك طلبة مو عسكر اصلا كلهم عددهم ٤ وحتى العسكر اللي طبعو بسراويل وفنيلة فصلوا واظن عليهم ١٠٠ جلدة وسجن كم سنة اما شغلة مراقبة فوق ال١ مليون عسكري في السعودية انسى واصلا في النظام يمنع التصنت ومراقبة تليفونات واجهزة المواطنين الا بامر قضائي او امر ملكي او امر من الامارة او من وزير الداخلية
اما عقوبة المروجين شرعا المروج عقوبته تعزيرية وليست القتل مباشرة المهرب اللي يقتل مباشرة ثم المخدرات منتشرة في كل مجتمع حتى في امريكا رغم اسوارها مع المكسيك وجهاز مكافحة المخدرات حقها اللي لايقهر وجماركها اللي بقوة الامن العام بكبره لازالت تروج المخدرات في المدارس والملاهي اليليلية وفي الاحياء الفقيرة بعدين ياولد لو كان جهاز مكافحة المخدرات مو بذيك الكفائة اجل كيف طلعوا كل ذا ؟؟؟
[IMG][/IMG]
[IMG][/IMG]
[IMG][/IMG]
[IMG][/IMG]
يعني بالله لو كان جهاز مكافحة المخدرات كفائته ضعيفة كانو بالله لقو الحبوب في بطارية شاحنة ولا في مكيف ولا في رجل طاولة خشب ولا في طفاية حريق ولا في صدام سيارة اذا النتايج كانت بهذا الوجه فمافي داعي لانتقادك اللي ماله داعي ممكن بس اتفق معاك في تحسين اسلوب الاشتباك والاقتحام
بعدين من قالك مافي تعذيب اقسملك بالله سمعت قصص تعذيب وضرب وتعليق في المراوح وكانت حتنتهي بنهاية سودة بس الحمدلله المروج فضح مصدره

رد: الجوازات بالزي الوطني بدلا من العسكري

اي تقليد اعمى تتكلم عنه الي اشوفه ان الشعب يقلد الغرب بكل شيء الا في اللباس ! وهذا مثل الي يسوي بلاوي زرقا بالدين ويدقق على الامور البسيطة الي حكمها بسيط !! , الاجنبي لما يفكر انه راح يجي بلد فيها حزم راح يكون ملتزم وخايف + نحن ما نبي الاجانب يرتاحون لانه اذا ارتاح سوى بلاوي وهو رايق !! , ليش كل دول العالم تقريبا يلبسون بدلات الا نحن واذا بغوا يلبسون رسمي يلبسون بدلة رسمية ! ليش نحن فقط وبعض الدول المتخلفة هم الوحيدين الي يلبسون لبسهم التقليدي !! , انا ما تأثرت بالافلام انا اتابع مقاطع حقيقية ووثائقية !! + رجال مكافحة المخدرات في العالم وامريكا خاصة والمكسيك مدربين تدريب ارقى من الراقي نفسه ومجهزين صح وعندهم احياء فقيرة زينا نحن بالضباط !! + فرق الاقتحام تكون اخر خطوة !! + انا اقول انهم مو لازم يلبسون بدلات عسكرية رسمية يلبسون بدلات مدنية عادية هذولا الجواسيس والي يترقبون الوضع واذا جاء وقت الاقتحام تجي فرقة مكونة من 3 سيارات مثلا فيها قوة مجهزة ومدربة على التكيتكات وتكون لابسة بدلات مدنية ومجهزة ومضبطة بالدروع ودروع الذخيرة والاسلحة الخفيفة والمتوسطة !! , نحن دولة محارب حرب قاسية من المخدرات يعني مهم جدا عندنا دقة وقوة مكافحة المخدرات !! يعني هل من المعقول برضو يجيك شخص لابس ثوب ودرع واقي فوق الثوب وواضح وسلاح ولابس ثوب طيب وش فايدة الثوب دامك لابس كل هالاشياء الواضحة والقناع !! + يجونك مثلا يجلسون يفرغون شاحنة من ضبطية المخدرات ثم تلاقي اثناء جلوسهم واستخراج المخدرات الثوب يزحف ويكنس الارض ويتوسخ ويتقطع وكل حركة لازم يرفع ثوبه علشان يتحرك ومضايقات ما تنتهي وكل يوم لازم كوي وغسيل !! !! بعدين شوف قوة DEA شوف تدريبها الكامل القريب الى قوة SWAT وكفاءتهم العالية !! اما تجي لجماعتنا تجيب درباوي وشخص دبشة مشكوك فيه يشتغل بالمكافحة علشان ياخذ فلوس وبدلات ولان الراتب فيها عالي !! + انا ما قلت يكون فيه رقابة لكل القطاعات انا اقول الرقابة للمكافحة المخدرات الي موظفينها ما يزيدون عن 60 الف بالكثير !! , , بعدين في امريكا الي يدخلون هالاجهزة يدخلونها عن رغبة حقيقة وحب للعمل وحب للمكافحة المخدرات !1 + ليش نستعين بالطوارئ ليش ما ندرب مكافحة المخدرات تدريبات مثل الطوارئ واكثر واحسن ونجيب مدربين اجانب سواءا امريكين او برازيلين او المانين !! + في امريكا اذا استخدموا ال FBI لان الموظفين يكونون بالمكافحة مو كثيرين جدا + يكونون ممكن في مهمة , بعكسنا نحن الي نعاني من بطالة كبييرة ونقدر نضيف ضعف العاملين بالمكافحة !! , اما عن قولك التنصت على المكالمة يحتاج موافقة من وكيل الوزارة او مدري مين !! اقولك تلعب على مين انت !! , ياما وياما يراقبون مكالمات وكل شيء من نفسهم هذا عمل سريع ما يحتاج موافقة الموافقة بامورحساسة للشخصيات حساسة !! + من حق الدولة مراقبة ما يعملون بها حتى لا يكونون خونة !! + انت الي عندك هذولا الدرباوية وغيرهم عندك في الدورة مدة 9 او 6 اشهر تقدر تربية تربية متكاملة وتغير فكره وتثقفه دينيا + ثقافة عامة تثير الوطنية لديه وتشجعه + انا قابلت كثير ناس متخرجين من الامن العام وشفت اجسامهم اغلبهم اجسامهم مترهلة + ليست قوية ومشدودة !! , التمارين السويدية هذا تمرين لياقة وليست قوة + نحن في الامن او المكافحة اذا دربناهم عليها ندربهم تدريب محدود وليس تدريجي ومتغير !! يعني لو كل يوم يدربون على تمرين الضغط والعقلة كان بعد 9 اشهور طلعلك عضلات ومشدود وناشف ومجسم وقوي جدا !! , + المخدرات كيف تقيها !! لابد من القسوة يعني مباشرة اول ما تخلص من المروج علطول توديه القصاص يقصون راسه اما الاجانب والملأ !! كذا الناس تبدأ تخاف ويقل الترويج 99% + مكافحة المخدرات الي يصادرونه ما يجي 60 % من ما يهرب !! , القسوة + العمل القوي والدقيق والشديد راح يخلينا نوصل الى 98 % !! + في امريكا صلاحياتهم قليلة جدا بس نحن صلاحيتنا مفتوحة يعني المفروض نكون افضل منهم ب 100 مرة !!

رد: الجوازات بالزي الوطني بدلا من العسكري

ياخي تراك زودتها وفقعت مرارتي ومرارة الشباب مسويلنا ازمة وقضية بس عشان ثوب وبدلة ؟؟!!؟!؟!؟ عشان تعرف وانهيلك الموضوع الزي الرسمي والوطني للبلاد هو الثوب والغترة هذا في النظام وهذا النظام له اكثر من ٨٣ سنة اما البدلات فتلبسها في المناسبات الخارجية والانتدابات بعدين الثوب هو الزي الشعبي المعروف واللي يلبسه الاغلبية حتى الكثير من الشباب فالثوب ماهو شبهة ولا لبس غريب وهو الافضل للتخفي فاذا كانت تستلزم المهمة فحنلبس ثوب باكستاني حتى زي مابيسوون التحريات بعدين اللبس عمره ماكان تخلف روح المستشفيات وشوف الاستشاريين بثوب وشماغ روح الجامعات الدكاترة والبروفسورات بالثوب والشماغ حتى الطبيبات والاستشياريات منهم لابسين عباية راس وماشية بالنقاب كل هذول صاروا متخلفين ؟!؟!؟!؟!؟!؟ بالعكس لو تشوف الدول العربية اللي افقر مننا ومتخلفين اكثر مننا ومعدل الجريمة عندهم اضعاف اضعاف اللي عندنا من رغم انه البدلة زيهم الرسمي
بالعكس كل من تابع مشاركاتك السابقة بيقول انك متأثر بالافلام راجع مشاركتك في موضوع تطوير الامن العام حسستنا انه رجال الامن الغرب رجاال حديديين وابطال خارقين والواحد منهم ب١٠٠٠ واثبتلك عكس ذلك

بعدين لازلت بتاخذ كلامي من ذيله حتى صفحة اخبار القوات المسلحة ردوا عليك وقالولك وبالضبط قالولك نفس اللي انا قلته
انه مكافحة المخدرات بياخذون دوراتهم مع حرس الحدود وقوات الطوارئ الخاصة ومركز ومدرسة الملك عبدالله للامن الخاص بعدين من قالك انهم لابسين الاقنعة على طول مايلبسون الاقنعة الا اذا جاهم الامر بالمداهمة والدرع كم مرة شفناهم لابسينه تحت الثوب ولا تحت القميص وان شاء لبسه فوق الثوب هذا شي راجعله
بالنسبة للDEA من ناحية تدريب ممتاز ما اختلفنا من ناحية عمليات ناجحة ما اختلفنا لكن رغم ذاك كله اتحداك تجيبلي اثبات واحد انه امريكا بولاياتها ال٥٠ + بورتوريكو صارت خالية ونظيفة من المخدرات ؟؟؟؟ لازالت المخدرات توزع بتراب الفلوس في الاحياء الفقيرة وتتعاطى وتباع في قصور وفلل البيروقراطيين تحت مرئى ومسمع المؤسسات الامنية الفيدرالية
بعدين انت مافهمتني !؟!؟!؟!؟ يارجل بقولك نعم رجال الDEA ياخذون تدريبات جامدة لكنهم ليسوا المسؤولين عن الاقتحامات ومداهمات المباني في المداهمات الضخمة يستعينون بفرق الSWAT التابعة لشرطة المدينة او الولاية ولا العملاء الميدانيين العاديين هذا لبسهم عادي تمااااااااما مني شايف الا فروق بسيطة
[IMG][/IMG]
[IMG][/IMG]
والصورة هذي فضيحة
[IMG][/IMG]
[IMG][/IMG]
المميز فقط هو الجينز وسلاح الفخذ والدرع التكتيكي والام٤ اما مهمات الاقتحامات على هؤلاء
[IMG][/IMG]

[IMG][/IMG]
بعدين بالنسبة للتنصت للمكالمات انا متأكد من كلامي ١٠٠٪ ومايتنصتون عليك الا اذا كنت شخص مطلوب كفاية لعب بزورة علينا كل شي مراقب كل شي مراقب ؟!؟!؟! وربي لو كل شي مراقب كنت أنت في السجن الان من كثر ما تطعن في اجهزة الدولة وتشكك في عملها ونزاهتها
بعدين انت بتناقض نفسك بنفسك تطالب انه الدولة توظف العاطلين في المكافحة وفي نفس الوقت جالس تشتم في العسكر وتقول انهم دبش ودرباوية وخدم ومدري ايه بالله هذول الشباب ماهم من الشعب ؟؟؟!؟!؟
يعني نص المفحطين عاطلين ومتعاطين والله يستر تبانا نوظفهم في المكافحة؟؟؟؟ بعدين مو كل الشعب يبى عسكرية بعدين انت يدك على الموية مو على النار المكافحة شغلها صعب شغلها خطر جدا اذا رجل الدوريات مهو ضامن حياته بيرجع لاهله بعد مناوبته ولا لا فما بالك برجل المكافحة اللي بيحارب عصابات وتنظيمات

بعدين يالظالم من قالك انه المكافحة تقبل اي أحد ؟!؟!؟!؟! المكافحة مهي زي الامن العام المكافحة فيها شروط وتعهدات فيها مقابلات شخصية فيها فحص طبي للامراض الجسدية والنفسية فيها فحص مخدرات وكحول لو واحد درباوي طايش قدم للمكافحة ودخل على المقابلة الشخصية بيكرشوه على طول المكافحة مهي لعب زي منتا متخيل
بعدين ياخي التمارين السويدية تمارين بناء وليس لياقة تمارين اللياقة البدنية التمارين اللي تزداد فيها ضربات قلبك ومني عارف ايش دخل ضربات القلب في الضغط والعقلة بعدين قلتلك التمارين السويدية ماتضخم افهم يواد!!!؟!؟!؟!؟ انا لي ٤ سنين اتدرب دفاع عن النفس ويوميا بسوي تمارين سويدية بالعكس بتنقص وزني اكثر بعدين انت منت فاهم انه كل انسان له تركيبة في جسمه فيه ناس قد ما اتمرنت وقد ماتاكل تقعد انحف من النكاشة وفيه ناس لو اكل صحن معصوب زاد ٣ كيلو ؟!؟!؟! بالذات طلبة الامن العام معظمهم تركيبة جسمهم بهذي الطريقة لو تبى تبنيلهم عضلات عاد دفهم بروتينات وستيرودات ولازم اقلها يوميا يتمرنون ٦ ساعات
بعدين دورة الامن العام مالها علاقة بمكافحة المخدرات فلا التدريب نفسه ولا الدورات نفسها (الا ال٤٥) ولا المراكز نفسها

أما المروجين عقوبة المروج شرعا


ثانيا : أما بالنسبة لمروج المخدرات فإن ما أصدره بشأنه في قراره رقم (85 ) وتأريخ 11 / 11 / 1401هـ كاف في الموضوع ونصه كما يلي : ( الثاني : من يروجها سواء كان ذلك بطريق التصنيع أو الاستيراد بيعا وشراء أو إهداء ونحو ذلك من ضروب إشاعتها ونشرها ، فإن كان ذلك للمرة الأولى فيعزر تعزيرا بليغا بالحبس أو الجلد أو الغرامة المالية أو بها جميعا حسبما يقتضيه النظر القضائي وإن تكرر منه ذلك فيعزر بما يقطع شره عن المجتمع ولو كان ذلك بالقتل لأنه بفعله هذا يعتبر من المفسدين في الأرض وممن تأصل الإجرام في نفوسهم ، وقد قرر المحققون من أهل العلم أن القتل ضرب من التعزير قال شيخ الإسلام ابن تيمية رحمه الله تعالى : ( ومن لم يندفع فساده في الأرض إلا بالقتل قتل مثل قتل المفرق لجماعة المسلمين الداعي للبدع في الدين ) إلى أن قال : وأمر النبي صلى الله عليه وسلم بقتل رجل تعمد الكذب عليه .

بعدين من قالك انه رجل المكافحة صلاحيته مفتوحة فلو اشتكى المعتقل لهيئة التحقيق والادعاء العام سوء معاملة بيسجنون رجل المكافحة وبيدفع غرامة وبيدفع دية اذا سببله عيب جسدي

واخيرا انا ماهمني لابسين بدل لابسين ثياب ان شاء الله داهمو بسروال وفنيلة وفوطة مكاوية اهم شي تطلع نتائج تبيض الوجه ولعلمك السعودية ال٣ عالميا في مجال مكافحة المخدرات

رد: الجوازات بالزي الوطني بدلا من العسكري

رد: الجوازات بالزي الوطني بدلا من العسكري

قرار غير صائب الحين وش دخل الجوازات بالارهاب ؟ وليش كل يوم ترتفع رواتبهم ! بكل الدول العربية الرواتب للعساكر شوية والاولى الاهتمام بتدريبهم وتجهيزهم القتالي ,

رد: الجوازات بالزي الوطني بدلا من العسكري

انت تناقض نفسك بنفسك تقول ايش علاقة الجوازات بالارهاب بعدين تقول تجهيز قتالي ؟!؟!؟!؟
بعدين جنود الجوازات ماهم بشر ماهم مواطنين من حقهم يعيشون